表演者：黃苡雯、蔡子沛　指導老師：陳素真 ngaiˇ係阿沛妹　　ngaiˇ係阿雯妹 打竹板: 阿沛妹:月光光 照等城市 阿雯妹: 照等村莊 照等山崗 阿沛妹、阿雯妹:照到ngaiˇ身項 ngaiˇ探頭望……… 啊！月光驚笑 煞走到雲肚囥 阿沛妹:月光光 照等城市 阿雯妹: 照等村莊 照等山崗 阿沛妹、阿雯妹:照到ngaiˇ身項 ngaiˇ探頭望……… 啊！月光驚笑 煞走到雲肚囥 阿沛妹、阿雯妹(唱歌): 月光光 照等城市 照等村莊 照等山崗 照到ngaiˇ身項 ngaiˇ探頭望……… 啊！月光驚笑 煞走到雲肚囥 月光光 照等城市 照等村莊 照等山崗 照到ngaiˇ身項 ngaiˇ探頭望……… 啊！月光驚笑 煞走到雲肚囥 阿雯妹：斷烏咧！月光定定仔行到天頂去。 阿沛妹：像一個開容笑面个細阿妹仔。 阿雯妹：像一垤光光个玉盤。 阿沛妹：圓圓掛在天頂。 阿雯妹：分人有種燒暖个感覺。 阿沛妹：乜分ngaiˇ心情鬆爽起來。 阿雯妹：星仔這兜毋願光彩分佢搶走。 阿沛妹：星仔相爭在天頂跳舞。 阿雯妹、阿沛妹：就恁樣天頂𢫦𢫦風鬧熱煎煎。　　 阿雯妹：佢个好朋友雲出現咧。 阿沛妹：輕輕行到月光邊脣。 阿雯妹、阿沛妹：大家都忍毋核對等佢望。 阿雯妹：害佢嗄見笑起來。 阿沛妹：遽遽囥在雲肚。 阿雯妹：天光咧！日頭睡醒咧！ 阿沛妹：在天光當風神个笑等。 阿雯妹：搣到雨當火著。 阿沛妹：雨水滴滴溚溚落下來。 阿雯妹、阿沛妹：路人涿著歸身潦潦。 阿雯妹：這時節靚靚个天弓出來咧。 阿沛妹：厥兩儕正乖乖仔轉屋。 阿雯妹：哦！天搖地動！ 阿沛妹：得人驚！臺灣个地動乜當多。 阿雯妹：好在！好在！天皇皇！地皇皇！ 阿沛妹：大家平安就好咧。 阿沛妹、阿雯妹：對啊！先生上課乜識教過:「日動晴，夜動雨」，對這乜做得看出enˊ老祖先个智慧。 阿雯妹、阿沛妹：恁仔細！正來尞！