表演者：曾宥澄、朱韻晴、王韋豪　指導老師：劉惠雪 甲：ABC狗咬豬（坐佇塗跤） 乙：甲你坐佇塗跤踅踅唸，是咧唸啥? 甲：煞毋知阮阿母共我講，我蹛佇美國的表兄，伊欲來台灣。 丙：就是頂擺你捌共我講過，佇美國生的，彼个ABC喔! 甲：無剉，規欉好好。因為這擺的疫情，台灣的防疫做了有夠媠氣，所以，伊想欲來台灣𨑨迌。 乙：那按呢真好啊! 這聲你真正卯死矣!趁食閣趁𨑨迌。 丙：你定想食佮𨑨迌。（同濟大笑） 丙：恁表兄是當時會來? 甲：看疫情的發展，才閣做決定。所以等伊猶未來，我愛先想一下，欲按怎予伊認捌台灣，知影恁特別的台灣。 乙：你這是叫做「好天要積雨來糧」喔? 甲：哈哈哈…差不多啦!按呢，咱就開始做伙激頭腦囉!台灣有啥麼特別的。 乙：這毋較簡單，濟敢若山咧，予你先講 丙：阮阿母定講：台灣人熱情好客閣有人情味，毋是逐个國家攏有的，外國人嘛共咱呵咾有著。 甲：這是有影，逐擺阮阿爸、阿母做生理無閒，恁阿母攏留我佇恁兜食飯，恁阿母煮的菜，有夠好食的。 乙：攏無相招，後擺我嘛欲去。 甲/丙：你喔!愛哭閣愛綴路。 乙：我才無愛哭，我是愛唱歌! 丙：好好好，你上愛唱歌 甲：啊!聽講阮表兄對音樂真有興趣，會使介紹伊聽台灣民謠，無的確，伊會足佮意的。 丙：有當時矣我會佮阮阿公鬥陣聽台語民謠，有一寡民謠真有台灣味，像講....「思想起，甘蔗好食伊就雙頭甜」這是屏東民謠。 「嘿嘿嘿嘟，一隻鳥仔吼啾啾」嘉義的民謠。閣有老師有教過的宜蘭民謠「火車行到伊都，阿莫伊都丟，噯喲磅空內」。 乙：若唱歌，我是巷仔內的，「四月望雨」嘛是老師有講過的「四季紅」、「月夜愁」、「望春風」和「雨夜花」。 甲/丙：對啊! 遮的歌攏真好聽。 乙：各位!請恁噗仔聲共伊催落去!我欲為逐家獻唱一首..... 甲/丙：停停停! 甲：拜託你莫唱，連鞭請你吃水果。 乙：好好好!台灣的水果會使講是世界一粒一的，我拍死無走。 甲：無毋著!阮阿姑講伊足數念台灣的水果。台東的釋迦、屏東的蓮霧、社頭的菝仔，遮的水果佇美國，有錢嘛無底買。 丙：若按呢，除了水果，美國應該嘛無夜市仔，會當𤆬恁表兄去踅夜市，對台灣頭到台灣尾，看你是欲𤆬伊去六合夜市抑是基隆廟口，欲食欲耍攏會使。 乙：對對對，這叫做一兼二顧，摸蜊仔兼洗褲。 甲：蜊仔?食海產!咱基隆的海產攏有夠鮮的。 乙：讚讚讚!干焦想，就會流喙瀾。 甲：等阮阿姑若轉來，規家伙仔欲去廟裡拜拜。 乙：台灣的廟寺濟，大間閣莊嚴的滿滿是，恁表兄一定會感覺真特別。 丙：台灣風景媠，真濟好所在，就看恁表兄當時轉來。 甲：咱閣共頭拄仔講的閣講一擺。 甲/乙/丙： 台灣上媠人情味 行甲佗位攏有伊 咱的民謠思想起 唱出咱的台灣味 果子好食有夠甜 無人通好佮伊比 來台觀光踅夜市 好耍好食閣便宜 基隆海產有夠鮮 想著喙瀾㴙㴙滴 保庇平安有廟寺 予恁逐家大趁錢